મા-બાપ વગરની 12 વર્ષની સગીરા સાથે સો.મીડિયામાં સંપર્ક કર્યો, 3 શખ્સે અપહરણ કરી એકે દુષ્કર્મ આચર્યુ

સોશિયલ મીડિયાનો ઉપયોગ થવાને બદલે દિવસેને દિવસે દુરુપયોગ વધી રહ્યો છે. સૌશિયલ મીડિયાના દુરુપયોગથી અનેકની જિંદગી અને આબરૂ સાથે ખિલવાડ થાય છે. આવો જ એક કિસ્સો ગોંડલના મોવિયા ગામમાં બન્યો છે. સોશિયલ મીડિયાના માધ્યમથી ગોંડલ તાલુકાના મોવિયા ગામની માત્ર બાર વર્ષની સગીરાના સંપર્કમાં આવેલા શખ્સે અન્ય બે શખ્સની મદદથી અપહરણ કરી ગોંડલ લઈ ગયો હતો. અહીં એકે દુષ્કર્મ આચર્યુ હતું અને બીજાએ અડપલા કર્યા હતા. આ અંગેની પોલીસ ફરિયાદ ગોંડલ પોલીસમાં નોંધાઇ છે. દુષ્કર્મ આચરનાર શખ્સના સાથીદારે સગીરાના અડપલા કરી હેવાનિયતની હદ વટાવી હતી.

પ્રાપ્ત વિગત મુજબ ગોંડલ તાલુકાના મોવિયા ગામે રહેતી માતા-પિતા વિનાની સગીરાના સોશિયલ મીડિયાના માધ્યમથી ગોંડલનો વિરાજ ઉર્ફે વિરુ પરેશભાઈ ગોસ્વામી (રહે. આસોપાલવ સોસાયટી) સંપર્કમાં આવ્યો હતો. તેના બે મિત્રો અક્ષય કિશોરભાઈ સોલંકી (રહે. 31 ભોજરાજપરા, પારસ રેસિડેન્સી) અને અવી મુકેશભાઈ સોલંકી (રહે. આસોપાલવ પાર્ક)એ અપહરણ કર્યું હતું. (પ્રતિકાત્મક તસવીર)

બાદમાં વિરાજે માત્ર બાર વર્ષની સગીરા પર દુષ્કર્મ આચરી હેવાનિયતની હદ વટાવી દીધી હતી. હેવાનિયત આટલેથી અટકતી ન હોય તેમ અક્ષય સોલંકીએ સગીરા સાથે અડપલા કર્યા હતા. જ્યારે અવી સોલંકી અપહરણ કરવામાં પોતાની કારનો ઉપયોગ કરી મદદ કરી હતી. ફરિયાદ બાદ પોલીસે આરોપીઓ વિરૂદ્ધ IPCની કલમ 363, 366, 376, 354 (A), 114, પોક્સો કલમ 4, 8, 17 મુજબ ગુનો નોંધી પીએસઆઇ એમ.જે. પરમાર આરોપીઓને ઝડપવા તપાસના ચક્રો ગતિમાન કર્યા છે. (પ્રતિકાત્મક તસવીર)

આરોપી વિરાજ ગોસ્વામી ગોંડલ પાંજરાપોળ પાસે મહાકાળી પાન નામે દુકાન ચલાવે છે, અવિ સોલંકી ગોંડલ ચોરડી દરવાજા પાસે સહકાર પાન દુકાન ચલાવે છે જ્યારે અક્ષય એફ.વાય.બી.કોમનો અભ્યાસ કરી રહ્યો છે. (પ્રતિકાત્મક તસવીર)

આરોપીઓએ સગીરાનનું સવારના સમયે અપહરણ કર્યા બાદ દુષ્કર્મ ગુજારી આશરે દોઢથી બે કલાક પછી પાંજરાપોળ ખાતે ઉતારી દીધી હતી. બાદમાં સગીરા બસ દ્વારા પોતાના ઘરે પહોંચી હતી અને સઘળી હકીકત કાકાને જણાવતા પોલીસ ફરિયાદ નોંધાવી હતી. ગોંડલ પોલીસે આરોપીને શોધવા ચક્રો ગતિમાાન કર્યા છે. (પ્રતિકાત્મક તસવીર)